Auglýsingar

Hinsegin dagar gefa út veglegt dagskrárrit hátíðarinnar ár hvert en árið 2013 taldi ritið 64 síður. Dagskrárritið er að jafnaði gefið út snemma júlímánaðar og er upplagið vel á annað tugþúsund. Dreifing þess er góð en ritinu er m.a. dreift í verslanir og kaffihús, sundlaugar og aðra fjölsótta staði. Dagskrárritið er aðgengilegt á heimasíðu Hinsegin daga en undanfarin ár hefur einnig nokkur fjöldi eintaka farið til dreifingar erlendis.

Þrátt fyrir að stærsti hluti vinnuframlags í kringum Hinsegin daga sé unnið í sjálfboðavinnu er hátíðin kostnaðarsöm og útgáfa dagskrárritsins einnig. Til að mæta þeim kostnaði eru seldar auglýsingar í ritinu. Sú hefð hefur skapast að auglýsingar í dagskrárriti Hinsegin daga séu litríkar og hýrar, en með því móti gefst íslenskum fyrirtækjum tækifæri til að sýna mannréttindum hinsegin fólks, sem og hátíðinni sjálfri, stuðning sinn á líflegan og skemmtilegan hátt.

Hinsegin dagar gera einnig sérstaka styrktarsamninga við fyrirtæki sem auka sýnileika styrktaraðilans í kringum hátíðina, t.d. með merki fyrirtækisins á heimasíðu Hinsegin daga, auglýsingum á stóra sviðinu við Arnarhól, formlegum þökkum frá Hinsegin dögum og fleira.

Það væri okkur ánægja að fá þitt fyrirtæki í hóp stoltra styrktarðila Hinsegin daga!

Nánari upplýsingar veitir:

gulli

 

 

Gunnlaugur Bragi
Fjármálastjóri Hinsegin daga
netfang: gunnlaugur@hinsegindagar.is
símai: 856-7784