Gleðigöngupottur

Styrkir til þátttöku í Gleðigöngu Hinsegin daga

Nú er opið fyrir umsóknir um styrki úr Gleðigöngupotti Hinsegin daga! Umsóknarfrestur er til og með 2. júlí. Úthlutað verður fyrir 15. júlí.

Gleðigöngupotturinn er samstarfsverkefni Hinsegin daga og Landsbankans sem verið hefur stoltur styrktaraðili Hinsegin daga um árabil. Einstaklingum og hópum sem vilja skipuleggja fjölbreytt, áhugaverð og táknræn atriði til þátttöku í Gleðigöngu Hinsegin daga er bent á að sækja um á sérstakri umsóknarsíðu.

Hvað er Gleðigöngupottur?

Gleðigöngupotturinn er styrktarstjóður fyrir atriði sem hyggjast taka þátt í gleðigöngu Hinsegin daga. Styrkjum úr sjóðnum er m.a. ætlað að aðstoða við að standa straum af kostnaði við hönnun atriða, leigu ökutækja og efniskaup.

Fjárhæðir og úthlutun

Dómnefnd velur styrkþega úr innsendum umsóknum og úthlutar styrkjum með það að markmiði að styðja framúrskarandi hugmyndir til framkvæmda. Miðað er við að fjárhæðir styrkja úr Gleðigöngupottinum séu á bilinu 100.000-500.000 kr.

Gleðigöngupotturinn varð til við undirritun samnings þess efnis á milli Hinsegin daga og Landsbankans þann 21. júní 2017. Árlega leggur Landsbankinn 1.500.000 kr. í pottinn og skal úthluta öllu fénu til styrkja en dómnefnd hefur þó heimild til að halda eftir að hámarki 200.000 kr. til veitingar hvatningarverðlauna að hátíð lokinni.

Umsóknir

Dómnefnd

Í dómnefnd Gleðigöngupottsins árið 2019 sitja:

  • Gunnlaugur Bragi Björnsson, formaður Hinsegin daga
  • Karen Ósk Magnúsdóttir, gjaldkeri Hinsegin daga
  • Eva Jóhannsdóttir, f.h. göngustjórnar Gleðigöngu Hinsegin daga
  • Sigyn Blöndal, dansari og dagskrárgerðarkona
  • Sigurður Þ. Gunnarsson, útvarpsmaður og DJ

Nánari upplýsingar