Hinsegin sögum safnað í aldarfjórðung
Löng hefð hefur skapast fyrir því að í Tímariti Hinsegin daga birtist greinar og viðtöl um hinsegin málefni og menningu. Ritið er þannig eitt af fáum prentuðum málgögnum hinsegin samfélagsins á Íslandi og eitt helsta ritið sem fjallað hefur um hinsegin sögu og menningu hér á landi.
Tímarit ársins 2025
Tímarit ársins 2025 gerir hinsegin sögu og menningu í nútíð og fortíð góð skil, með fróðlegu, fjölbreyttu og skemmtilegu efni. Ritstjórn var í höndum Bjarndísar Helgu Tómasdóttur, Sveinn Snær Kristjánsson sá um hönnun og umbrot.
„Við vitum að samstaða kemur ekki af sjálfu sér. Hún byggir á sameiginlegri vinnu – oft ósýnilegri, sem hundruðir sjálfboðaliða, félagasamtaka og stuðningsaðila leggja til.
Það er vegna þeirra sem Hinsegin dagar verða að veruleika, aftur og aftur. Þau sem búa til pláss, setja upp svið, skipuleggja, leiða, hlusta og styðja – af ást til samfélagsins. Þau eru hjarta og grunnur hátíðarinnar.“
– Úr tímariti Hinsegin daga 2025
