Regnbogaráðstefna Hinsegin daga 2026
Pride Centre – Iðnó
Regnbogaráðstefna Hinsegin daga verður haldin í fimmta sinn á Hinsegin dögum 2026.
Sumir dagskrárliðir eru enn í mótun, en munu birtast hér fyrir neðan jafnóðum og öll smáatriði skýrast. Dagskráin er sneisafull af áhugaverðum fyrirlestrum, pallborðum og málstofum þar sem við sköpum saman vettvang fyrir umræðu um hinseginleikann frá ýmsum sjónarhornum.
Regnbogaráðstefnan er haldin í samstarfi við ÖBÍ réttindasamtök.
Fimmtudaginn 6. ágúst // IÐNÓ
Salur 1 // Hátíðarsalur á 1. hæð
Smelltu á dagskrárlið til að lesa meira.
9:30 // SETNING RÁÐSTEFNUNNAR
Setning Regnbogaráðstefnu Hinsegin daga
Bjarndís Helga Tómasdóttir, formaður Samtakanna ’78, setur ráðstefnuna.
UPPLÝSINGAR
10:00 // 10 ÁR AF HINSEGIN FÉLGAGSMIÐSTÖÐINNI – STAÐUR TIL AÐ TILHEYRA
10 ár af Hinsegin Félagsmiðstöðinni – staður til að tilheyra
Í 10 ár hefur Hinsegin Félagsmiðstöðin verið öruggt rými þar sem ungt hinsegin fólk hefur getað hist, eignast vini og verið það sjálft. Í þessu erindi verður litið til baka á vegferðina hingað til og rætt um mikilvægi þess að skapa rými þar sem ungt fólk upplifir öryggi, von og fær að tilheyra. Um leið verður horft til framtíðar og þess sem bíður næstu kynslóða.
UPPLÝSINGAR
Frummælendur eru:
- Hrefna Þórarinsdóttir
11:00 // ER ÓHÆTT AÐ GANGA HEIM NÚNA?
Er óhætt að ganga heim núna?
| Samtal um hryðjuverk, að lifa af, minningar og að endurbyggja traust eftir hatur. Þann 25. júní 2022 varð hinsegin samfélagið fyrir hryðjuverkaárás á meðan á Oslo Pride stóð. Tveir létust, fjölmargir slösuðust og heilt samfélag stóð eftir í áfalli. Í þessum persónulega dagskrárlið leiða stuðningshópurinn 25. júní og norski rithöfundurinn Kristine Meek áhorfendur inn í reynslu þeirra sem lifðu árásina af og búa enn við afleiðingar hennar. Með frásögnum, samtali og sögum segja þau frá því sem gerðist þessa nótt, hvernig líf þeirra breyttist og hvers vegna þessar sögur skipta enn máli. Stuðningshópurinn 25. júní var stofnaður af eftirlifendum árásarinnar, aðstandendum þeirra sem létust og öðrum sem urðu fyrir áhrifum hennar. Karin Synnøve Terjesen mætti hryðjuverkamanninum fyrir utan barinn Per på Hjørnet, þar sem árásin hófst. Henning Meling sat á útisvæði London Pub þegar skotið var á fólk allt í kringum hann. Espen Evjenth, sem í dag er formaður stuðningshópsins 25. júní, var á dansgólfi London Pub þegar hann var skotinn í höfuðið og hlaut alvarlega áverka. Saman deila þau minningum sínum frá þessari örlaganótt, afleiðingunum sem fylgdu og því hvernig líf þeirra hefur mótast síðan. Í bók sinni Er óhætt að ganga heim núna? skrásetur Kristine Meek hryðjuverkaárásina og eftirmála hennar með viðtölum, dómsgögnum og umfangsmikilli rannsóknarvinnu. Með upplestri úr bókinni og innsýn í ritunarferlið veltir hún því fyrir sér hvernig sagnalist getur hjálpað okkur að skilja mannlegar afleiðingar haturs og ofbeldis. Með persónulegum frásögnum og opnu samtali er áhorfendum boðið að líta handan fyrirsagna fjölmiðla og kynnast reynslu þeirra sem voru á staðnum. Þetta er samtal um hryðjuverk og áföll, en ekki síður um seiglu, samstöðu og mikilvægi þess að verja frelsið til að lifa opinskátt. Viðburðurinn er styrktur af NORLA – Norwegian Literature Abroad. |
UPPLÝSINGAR
Pallborði stýrir:
Kristine Meek
Í pallborði eru:
- Espen Evjenth
- Henning Meling
- Karin Synnøve Terjesen
13:00 // Í MÖRGUM KÖSSUM – SÖGUR UM FÖTLUN, HINSEGINLEIKA OG MANNRÉTTINDI
Í mörgum kössum – Sögur um fötlun, hinseginleikan og mannréttindi
| Hinsegin fatlað fólk er alls konar og tilheyrir fjölbreyttum hinsegin- og fötlunarhópum sem og samfélaginu í heild sinni. En hvernig er að tilheyra mörgum kössum í félagslegu flokkunarkerfi og er margþætt mismunun algeng innan ólíkra hópa á Íslandi? Til að skyggnast inn í þennan margbreytileika, sem endurspeglast í litum hinsegin pride fánans og fötlunar pride fánans, munum við heyra reynslusögur fólks úr ólíkum áttum sem á það sameiginlegt að tilheyra fleiri en einum lit og ræða áhrif þess á líf þeirra. |
UPPLÝSINGAR
Pallborði stýrir:
Kjartan Þór Ingason
Í pallborði eru:
- Anna Guðlaug Gunnarsdóttir
- Reyn Alpha Magnúsdóttir
14:00 // STYRKURINN Í ÞVÍ AÐ SLEPPA TAKINU: FYRIRGEFNING OG HINSEGIN SEIGLA
Styrkurinn í því að sleppa takinu: Fyrirgefning og hinsegin seigla
| Fyrirgefning er oft misskilin, sérstaklega innan samfélaga sem hafa þurft að berjast fyrir reisn, öryggi og því að fá að tilheyra. Í þessum fyrirlestri skoðar hinsegin höfundurinn og ráðgjafinn Luca Oake fyrirgefningu ekki sem afsökun fyrir því sem gerðist, gleymsku eða leið til að sleppa fólki undan ábyrgð, heldur sem leið til að endurheimta orku, frelsi og seiglu. Með því að flétta saman eigin reynslu, hagnýtri visku og áratugalangri vinnu með fyrirgefningu leiðir Luca þátttakendur í gegnum samtal um hvernig kulnun í aktívisma, langvarandi streita og áhrif kerfislægrar mismununar geta sest að í líkama, huga og anda. Saman skoðum við hvernig fyrirgefning getur hjálpað okkur að losa um þau tök. Erindið byggir á raunveruleika hinsegin fólks og býður upp á aðgengilega og hagnýta nálgun sem viðurkennir sársauka án þess að gera lítið úr honum. Þátttakendur fara heim með nýja sýn á fyrirgefningu, verkfæri til að takast á við gremju og örmögnun og dýpri skilning á því hvernig það að sleppa takinu getur verið birtingarmynd styrks, sjálfsvirðingar og frelsis. Luca Oake er ráðgjafi, höfundur og sífellt leitandi námsmaður með fjórar háskólagráður, áratuga reynslu af þróun og stuðningi við fullorðið fólk og óvenjulega mikla ástríðu fyrir fyrirgefningu. Luca er stofnandi YFFY | You Forgive For You, hreyfingar sem vinnur að því að gera fyrirgefningu að hagnýtri lífsleikni sem allir geta tileinkað sér. Þegar Luca kom út sem hinsegin, 19 ára gömul og í þjónustu bandaríska hersins seint á níunda áratugnum, var það djörf ákvörðun sem varð fyrir þau nærri lífshættuleg. Eftir að hafa lifað þá reynslu af hefur Luca meðal annars setið í stjórn Monterey Peninsula Pride í Kaliforníu og skrifað um fyrirgefningu sem leið að sjálfslækningu í metsöluminningabókinni Forgive For You. Luca notar helst fornöfnin oui, en hún eða þau eru einnig velkomin. |
UPPLÝSINGAR
Frummælandi:
Luca Oake
15:00 // CHEMSEX – Í LEIT AÐ NÁND EÐA FELUSTAÐ
Chemsex – í leit að nánd eða felustað
Chemsex er málefni sem hefur í auknum mæli verið rætt innan hluta hinsegin samfélagsins, en margir vita lítið um hvað hugtakið raunverulega felur í sér. Í þessu pallborði verður fjallað um chemsex frá ólíkum sjónarhornum og rætt um reynslu, heilsu, skaðaminnkun, stuðning og hvernig við getum átt opið og fordómalaust samtal um Chemsex, þar sem kynlíf og fíkniefni fara saman.
UPPLÝSINGAR
Pallborði stýrir:
Villi Vilhjálms
Í pallborði eru:
- Unnsteinn Jóhannsson
- Svala Ragnheiðar-Jóhannesardóttir
- Asa Radix
16:00 // HINSEGINLEIKI Á ÓPERUSVIÐINU
Hinseginleiki á óperusviðinu
Óperusöngkonan Íris Björk Gunnarsdóttir er stofnandi glænýja óperukompanísins hinÓperan, sem setur upp óperuna 27 í samstarfi við Borgarleikhúsið í haust. Hún mun fjalla um rannsóknir sínar á hinseginleika á óperusviðinu á fræðandi og skemmtilegan hátt á milli þess sem hún flytur okkur tónlist úr ylhýrum óperum. Meðleikari er Matthildur Anna Gísladóttir.
UPPLÝSINGAR
Frummælandi er:
Íris Björk Gunnarsdóttir
Salur 2 // Pollurinn, Ráðhús Reykjavíkur
Smelltu á dagskrárlið til að lesa meira.
10:00 // NUUK PRIDE – UPPBYGGING SAMFÉLAGS Á NORÐURSLÓÐUM
Nuuk Pride – Uppbygging samfélags á norðurslóðum
Fulltrúar frá Sipineq+, félagi hinsegin fólks á Grænlandi, munu deila reynslu sinni af því að byggja upp hinsegin samfélag og Pride-hátíð í Nuuk. Í þessu erindi verður fjallað um samfélag, sýnileika og mikilvægi þess að skapa öruggt rými þar sem hinsegin fólk getur komið saman, deilt reynslu sinni og fundið að það tilheyrir. Um leið gefst tækifæri til að kynnast starfi Sipineq+/Nuuk Pride og því sem sameinar hinsegin samfélög þvert á landamæri.
UPPLÝSINGAR
Frummælendur eru:
- Qillaq Ilannguaq Olsen
- Erni Kristiansen
- Bjarndís Helga Tómasdóttir
13:00 // VERND, VON OG NÝTT UPPHAF
Vernd, von og nýtt upphaf
Í þessu pallborði fáum við að heyra frá fólki sem kom til Íslands í leit að alþjóðlegri vernd, sem eru að byggja sér nýtt líf hér. Með persónulegum frásögnum og opnu samtali verður rætt um áskoranir, von, tilheyrandi og hvernig það er að vera bæði hinsegin og leita sér öryggis í nýju landi.
UPPLÝSINGAR
Pallborði stýrir:
Sigga Birna
Í pallborði eru:
- Eric Heinen
- Eric
- Ojok
14:00 // KYNSEGIN UPPLIFUN AF SKÓLAUMHVERFI FRAMHALDSSKÓLA
Kynsegin upplifun af skólaumhverfi framhaldsskóla
| Fyrirlesturinn Kynsegin upplifun af skólaumhverfi framhaldsskóla er kynning á niðurstöðum rannsóknarverkefnis að sama nafni sem er í framkvæmd sumarið 2026. Niðurstöðurnar kynnir Francis Laufkvist, nemi í félagsfræði og kynjafræði við Háskóla Íslands, sem vinnur rannsóknina undir umsjón Árdísar Kárs Ingvars. Rannsóknin skoðar upplifun kynsegin ungmenna af skólaumhverfi íslenskra framhaldsskóla á árunum 2016 til 2026. Markmiðið hennar er að skapa vísindalega og aðgengilega þekkingu um stöðu kynsegin fólks í íslensku samfélagi. Í rannsókninni er notast við mismunandi viðtalsaðferðir til þess að þróa aðferðafræði félagsvísinda í samstarfi við hópinn sem er rannsakað. Verkefnið er styrkt af Nýsköpunarsjóði námsmanna. |
UPPLÝSINGAR
Frummælandi er:
Francis Laufkvist
15:00 // ÞRÓUN OG FJÖLBREYTILEIKI KYNÁKVÖRÐUNAR OG KYNTENGDRA EIGINLEIKA
Þróun og fjölbreytileiki kynákvörðunar og kyntengdra eiginleika
Kynæxlandi lífverur urðu til fyrir meira en milljarði ára, og eru ansi fjölbreyttar í mörgum eiginleikum sem tengjast kyni. Dýr eru líka fjölbreytt hvað varðar kynhneigð og amk manneskjur kynvitund. Fjallað verður um þróunarsögu kynákvörðunar og þroskun kyntengdra eiginleika. Ekkert próf.
UPPLÝSINGAR
Frummælandi er:
Arnar Pálsson