Tímarit Hinsegin daga 2019

Viðtöl, greinar og fleira!

Sjá tímarit 2019 á pdf-formi hér.

Tímarit Hinsegin daga er gefið út fyrir hverja hátíð og inniheldur dagskrá hátíðarinnar en auk þess viðtöl, myndir og margt fleira. Ár hvert fer ritið í dreifingu um það bil mánuði fyrir hátíðina á suður- og suðvesturhorni landins en ritið er auk þess aðgengilegt hér á vefsíðu hátíðarinnar.

Löng hefð hefur skapast fyrir því að í Tímariti Hinsegin daga birtist greinar og viðtöl um hinsegin málefni og menningu. Ritið er þannig eitt af fáum prentuðum málgögnum hinsegin samfélagsins á Íslandi og eitt helsta ritið sem fjallað hefur um hinsegin sögu og menningu hér á landi.

Hinsegin dagar í Reykjavík eru allt í senn baráttuhátíð fyrir réttindum hinsegin fólks, gleðihátíð sem fagnar fjölbreytileika mannlífsins og menningarhátíð sem hugar að ýmsum kimum hinsegin menningar – og „hinsegin“ hliðum menningar almennt. Hátíðarrit Hinsegin daga þjónar einmitt þessum tilgangi, auk þess að kynna dagskrá ársins.

Hvar get ég nálgast Tímarit Hinsegin daga?

Tímarit Hinsegin daga 2019 var prentað í þúsundum eintaka og dreift vítt og breitt um landið.

Á höfuðborgarsvæðinu verður hægt að nálgast blaðið á öllum dreifingarstöðum Reykjavik Grapevine sem telja um 100 hótel og gistiheimil og um 130 sundstaði, bensínstöðvar og kaffihús.

Auk þess má finna tímaritið í útibúum Landsbanka Íslands á höfuðborgarsvæðinu og á landsbyggðinni.

Um tímarit Hinsegin daga 2019

Útgefandi: Hinsegin dagar í Reykjavík / Reykjavik Pride, Suðurgata 3 – 101 Reykjavík
Útgáfuár: Júlí 2019
Ritstjórar: Tótla I. Sæmundsdóttir og Karen Ósk Magnúsdóttir.
Ábyrgðaraðili: Gunnlaugur Bragi Björnsson, formaður Hinsegin daga.
Textar: Tótla I. Sæmundsdóttir, Ragnhildur Sverrisdóttir, Þórhildur Erla Pálsdóttir, Ágústa Arna Sigurdórsdóttir, Heimir Már Pétursson, Karen Margrét Bjarnadóttir, Gunnlaugur Bragi Björnsson, Einar Þór Jónsson og Dagur B. Eggertsson.
Prófarkalestur: Ásta Kristín Benediktsdóttir.
Auglýsingar: Gunnlaugur Bragi Björnsson, Karen Ósk Magnúsdóttir og Ragnar Veigar Guðmundsson.
Ljósmyndir: Guðmundur Davíð Terrazas, Pressphotos/ Geirix, Geir Ragnarsson, Grace Chu og Alisa Kalyanova.
Teikningar á götukorti: Guðmundur Davíð Terrazas og Helga Kristjana Bjarnadóttir.
Myndskreytingar: Guðmundur Davíð Terrazas.
Merki Hinsegin daga: Aðalbjörg Þórðardóttir.
Hönnun tímarits: Guðmundur Davíð Terrazas.
Prentvinnsla: Prentsmiðjan Oddi.

Fólkið á bakvið Hinsegin daga: Fjölmargir leggja hönd á plóg til að gera hátíð Hinsegin daga að veruleika á hverju ári.

Stjórn Hinsegin daga í Reykjavík skipa þau Gunnlaugur Bragi Björnsson formaður, Karen Ósk Magnúsdóttir gjaldkeri, Ragnar Veigar Guðmundsson ritari og meðstjórnendurnir Ásgeir Helgi Magnússon, Helga Haraldsdóttir, Lilja Ósk Magnúsdóttir og Ragnhildur Sverrisdóttir. Við hlið þeirra starfar öflug samstarfsnefnd að verkefnum ársins auk gríðarstórs hóps sjálfboðaliða sem vinnur ómetanlegt starf meðan á hátíðinni stendur.