Taktu virkan þátt
Taktu þátt í að skapa ógleymanlegar upplifanir. Hvort sem þú velur að vera sjálfboðaliði eða skipuleggja viðburð, þá skiptir hvert framlag máli!
Gleðigangan
Gleðigangan er hápunktur Hinsegin daga. Í henni sameinast lesbíur, hommar, tví- og pankynhneigðir, trans fólk, intersex fólk og aðrir hinsegin einstaklingar ásamt fjölskyldum sínum og vinum til að staðfesta tilveru sína og minna á baráttumál sín.
Ef þú vilt taka þátt í gleðigöngunni þá geturðu skráð þig eða hópinn þinn hér fyrir neðan.
Skráning í gleðigöngu opnar í júní og lýkur almennt um viku fyrir gönguna.
Styrkir
Hinsegin dagar bjóða upp á styrki til að aðstoða við fjármögnun atriða í gleðigöngunni og auðvelda aðgengi að viðburðum.
Gleðigöngupotturinn er styrktarstjóður fyrir atriði sem hyggjast taka þátt í Gleðigöngu Hinsegin daga. Styrkjum úr sjóðnum er m.a. ætlað að aðstoða við að standa straum af kostnaði við hönnun atriða, leigu ökutækja og efniskaup.
Frímiðum er ætlað að fjarlægja fjárhagslegar hindranir sem annars myndu hindra meðlimi hinsegin samfélagsins í því að sækja viðburði Hinsegin daga.
Finnurðu ekki það sem þú leitar að? Hafðu þá samband við okkur á pride@hinsegindagar.is.