Gleðigangan

Laugardaginn 6. ágúst 2016 kl. 14:00 – Gengið frá Vatnsmýrarvegi að Arnarhóli

Gleðigangan er hápunktur Hinsegin daga. Í henni sameinast lesbíur, hommar, tví- og pankynhneigðir, trans fólk, intersex fólk og aðrir hinsegin einstaklingar í einum hópi ásamt fjölskyldum sínum og vinum til að staðfesta tilveru sína, sýnileika og gleði, ásamt því að minna á þau baráttumál sem skipta hvað mestu máli hverju sinni.

Hinsegin dagar skipuleggja gleðigönguna og stýra hvaða atriði fá aðgang að henni en atriðin sjálf eru sprottin úr grasrótinni. Einstaklingar og hópar geta skipulagt atriði og sótt um þátttöku í göngunni en Hinsegin dagar setja sem skilyrði að öll atriði miðli skýrum skilaboðum sem varða veruleika hinsegin fólks á einn eða annan hátt.

Athugið að það er algjörlega óheimilt að auglýsa fyrirtæki eða þjónustu í göngunni án leyfis frá stjórn Hinsegin daga.

Screen Shot 2015-06-02 at 19.31.04

Gengið er frá Vatnsmýrarvegi að Arnarhóli